Tinutulan ng mga sinasabing biktima ng war on drug campaign ni dating Pangulong Rodrigo Duterte ang hiling ng defense team na impormasyon kaugnay sa ilang participants na posibleng maging prosecution witnesses sa legal proceedings sa International Criminal Court.
Batay ito sa eight-page public redacted document na may titulong “Victims’ Response to the ‘Defence Request with Respect to Group A Participants’” na nilagdaan ni Paolina Massidda, principal counsel ng Office of Public Counsel for Victims, na nagsisilbing legal representative ng mga biktima sa kaso ng dating pangulo.
Iginiit ni Massidda na ang pagpayag sa hiling ng kampo ni Duterte ay magkokompromiso sa kaligtasan ng mga biktima ng war on drug.
Ang Group A ay isa sa tatlong set ng mga biktima na nag-apply para makipag-participate sa kaso.—sa panulat ni John Riz Calata
