Nasungkit ng Aliw Broadcasting Corporation – DWIZ 882 ang Health Communication Advocate of the Year Award sa Media Pasasalamat 2025 ng PhilHealth na ginanap sa Pasig City.
Kabilang sa tumanggap ng award sina DWIZ News Director Judith Estrada Lariño, News Editor Drew Nacino, at Senior Accounting Executive Rochen Francisco.
Iginawad ng PhilHealth ang naturang parangal bilang pagkilala sa patuloy na suporta at paghahatid ng mahalagang impormasyon ng DWIZ sa publiko.
Kasabay nito, nagpapasalamat ang DWIZ sa PhilHealth at tinitiyak ang patuloy na paghahatid ng mga makabuluhang impormasyon na makatutulong sa kalusugan ng publiko.
Sinisiguro rin ng himpilan ang pagpapalakas pa sa aming pakikipag-ugnayan sa PhilHealth para sa ikabubuti ng bawat Pilipino.
