Target ng Senado na matapos ngayong linggo ang budget hearing ng lahat ng mga ahensya bago buuin ang public bicameral conference committee.
Sa panayam ng DWIZ, sinabi mismo ni Senate Committee on Finance Chairman Sherwin Gatchalian na plano naman nilang mag-convene sa susunod na linggo upang talakayin ang “ground rules” sa pagitan ng dalawang kapulungan.
Ayon kay Senador Gatchalian, posibleng abutin ng ilang araw bago matapos ang kanilang pagtalakay sa nasabing panuntunan.
Dagdag pa ng senador, bukod sa pagla-livestream sa bicam, isa sa mga bagong hakbang na kanilang isasagawa ay ang pagkakaroon ng public hearing para sa mga civil society organizations.
