Kumbinsido si Pasig City Lone District Rep. Roman Romulo na dapat pagtuunan ng pansin ang sinasabing anomalya sa flood control projects sa halip na ang mga pangalan ng mga politikong isinasangkot ng mga pamilyang Discaya.
Ayon kay Congressman Romulo, dapat silipin ang kredibilidad ng mag-asawa, lalo’t may mga kasong kinahaharap ang ilan sa kanilang kumpanya habang nag-a-apply sila para sa witness protection program.
Hindi naman isinasantabi ng mambabatas ang posibilidad nang pagsasampa ng kaso laban sa mag-asawang Discaya, lalo’t nagmumukha siyang “guilty by association” dahil sa kanilang mga akusasyon.
