Nilinaw ng Department of Health na hindi pa maituturing na isang mapanganib na outbreak ang tumataas na kaso ng hand, foot, and mouth disease o HFMD.
Ayon kay Health Assistant Secretary at spokesman Albert Domingo, dahilan lamang ng pagsirit ng kaso ang pagtaas din ng mga reporting sa mga ospital.
Nabatid na nananatili lamang na “suspected cases” ang karamihan sa mga naitatalang kaso ngayong taon at hindi pa laboratory-confirmed.
Samantala, nakatulong din anya sa pagtaas ng reporting ang mas pina-igting na pagbabantay sa mga paaralan, daycare centers, at mga komunidad, na mahalaga upang maiwasan ang pagkalat ng virus.
