Iginiit ng Department of Agriculture na hindi uubra kung palalawigin pa ang import ban ng bigas sa bansa, kahit na tapos na ang panahon ng anihan.
Sa panayam ng DWIZ, ipinaliwanag ni D.A. Assistant Secretary Arnel De Mesa na kung pahahabain pa ang import ban ng nasabing produkto ay posibleng magkulang ang supply nito sa bansa.
Binigyang-diin ni Asec. De Mesa na mahalagang mayroong nakaimbak na supply ng bigas sa bansa na maaaring magamit sa emergency.
