Karamihan sa mga Pilipino ang pabor na personal na sagutin ni Vice President Sara Duterte ang mga impeachment charge laban sa kanya.
Batay sa pinakahuling survey ng Social Weather Station, lumabas na 66 percent ng mga Pilipino ang pabor na dumaan ang Bise Presidente sa pormal na proseso; 19 percent ang tutol; at 15 percent ang undecided.
Naitala sa National Capital Region ang pinakamaraming bilang ng mga pumabor sa nasabing usapin na mayroong 76 percent; na sinundan ng Balance Luzon, 69 percent; at Visayas, 67 percent; pinakamababa naman sa Mindanao, 55 percent.
Isinagawa ang survey sa 1,200 adult respondents sa buong bansa mula Hunyo 25 hanggang Hunyo 29 ng kasalukuyang taon.
