Aprubado na ng Regional Tripartite Wages and Productivity Board ang hirit na dagdag singkwenta pesos sa arawang sahod ng mga manggagawa sa pribadong sektor sa National Capital Region.
Dahil dito, tataas sa 695 pesos ang daily minimum wage para sa non-agriculture sector habang 658 pesos naman para sa agriculture, retail, service, at small manufacturing establishments.
Ayon sa Department of Labor and Employment, mahigit 1.2 million minimum wage earners sa Metro Manila ang makikinabang sa bagong wage order.
Ang umento ay nakasaad sa wage order 26 na inaprubahan ng NCR Regional Tripartite Wages and Productivity Board, at itinuturing na pinakamataas na wage hike sa kasaysayan ng rehiyon.
Epektibo ang bagong sahod simula July 18 o isang araw matapos ang anibersaryo ng huling wage hike noong 2024.
