“Weighing of circumstances” ang magiging basehan kung papayagan ng International Criminal Court ang hiling na interim release ni dating Pangulong Rodrigo Duterte.
Ito ang naging pahayag ni Assistant to Counsel ng ICC At abogado ng war on drugs victim na si Atty. Kristina Conti sa posibilidad na mapayagan ang pansamantalang paglaya ng dating pangulo.
Ayon kay Atty. Conti, posibleng payagan ang kahilingan ng kampo ng dating presidente kung susunod ito sa ilang ilalatag na kasunduan ng prosekusyon.
Nabanggit din ng abugado ng war on drug victims na mayroon nang ilang detainee ang matagumpay na nabigyan ng interim release ng ICC.
—sa panulat ni Mark Terrence Molave
