Nais ni Pangulong Ferdinand Marcos Jr. na magkaroon ng significant changes o pagbabago sa buhay ng mga Pilipino bago pa siya bumaba sa pwesto sa 2028.
Ito ang dahilan kaya nais ni Pangulong Marcos na maging masigasig ang kanyang mga gabinete partikular sa pagtupad sa mga proyekto at programa ng pamahalaan.
Sa isang podcast interview kay Pangulong Marcos, sinabi nito tatlong taon na lang ang nalalabi sa kaniyang termino kaya ayaw niyang business as usual lalo at maraming problema ang dapat tugunan.
Giit ng pangulo, mahalagang maging masigasig ang gobyerno sa pagkamit sa target on time.
Hindi lamang sa pagtupad sa mga malalaking legacy projects, transportation at agricultural projects.
Hangad din ng pangulo na hindi nahihirapan mga Pilipino kaya kung anuman ang dapat ayusin ay inaayos na.
Binigyang-diin ng Pangulo na mahalaga na maging istrikto lalo na at kapakanan ng taumbayan ang nakataya.
—ulat mula kay Gilbert Perdez (Patrol 13)
