Mariing pinabulaanan ni Senator-Elect Panfilo ‘Ping’ Lacson, ang kumalat na impormasyon na nakipagkita siya kay Vice President Sara Duterte.
Ayon sa Senador, hindi tamang makipag-usap sa Bise Presidente lalo na’t posibleng maging senator-judge siya sa napipintong impeachment trial laban dito.
Sinabi naman ni Sen. Lacson na wala siyang nakikitang mali kung mag-courtesy call ang mga bagong senador o kongresista sa ikalawang pinakamataas na opisyal ng bansa.
Gayunman, sa kasalukuyang sitwasyon, hindi aniya ito kaaya-aya dahil may nakahaing impeachment sa senado laban sa pangalawang pangulo.—ulat mula kay Cely Ortega-Bueno (Patrol 19)
