Walang karagdagang buwis sa junkfood at sweetened beverages.
Ito ang tiniyak ni Department of Finance Secretary Ralph Recto dahil ang mga hakbang na ito ay makaka-apekto sa inflation.
Sa unang press briefing ni DOF Sec. Recto, sinabi nyang pipinuhin at babaguhin niya ang mga nakabinbing panukala sa buwis na pinasimulan ng Dating Finance Secretary na si Benjamin Diokno na ngayon ay miyembro ng monetary board.
Nilinaw din ng kalihim na wala pang plano na magpataw ng panibagong buwis sa halip ay pagagandahin ang koleksyon nito. – sa panunulat ni Raiza Dadia
