Nakikipag ugnayan na ang Teachers Dignity Coalition sa Department of Education kaugnay sa komportableng pagsusuot ng damit ng mga mag-aaral sa loob ng silid aralan dahil sa mainit na panahon.
Sa panayam ng DWIZ, aminado si TDC Chairperson Benjo Basas, na dahil sa makapal na uniporme, marami rin sa mga guro ang talagang naiinitan.
Iginiit ni chairperson basas, na mahalaga ang edukasyon sa mga kabataan matapos ang ilang taong restriksiyon bunsod ng pandemiya kaya dapat na bawasan nalang ang oras ng klase sa halip na bawasan ang araw ng in-person classes ng mga estudyante.
