Nasa 57 military aircraft ang namataan malapit sa baybayin ng Taiwan matapos magsagawa ng combat exercise ang China.
Ayon sa defense ministry ng Taiwan, namataan din ang apat na Chinese warships na nadetect makaraang tumawid sa median line sa pagitan ng Air Defense Identification Zone ng Mainland at Taiwan.
Nabatid na nag-ugat ang isinagawang aktibidad ng China nang dumating sa Taiwan ang mga German lawmakers para sa kanilang apat na araw na country visit na nagresulta naman para magdesisyon ang mga lider ng Beijing na muling sakupin ang Taiwan.
Sa ngayon, ipinag-utos na ng Taiwan military sa aircraft, vessels at land-based missile systems na tugunan ang mga ginagawang aktibidad ng China.
