Lubhang nasugatan ang isang senior citizen matapos ang sunog na tumupok sa 75 bahay sa Malabon city, kahapon.
Kinilala ng Bureau of Fire Protection (BFP) Ang biktima na si Gene Verona, residente ng Mabolo Street, Barangay Maysilo ng nasabing lungsod.
Ayon sa Malabon Disaster Risk Reduction and Management Office (DRRMO), nagtamo ng mga gasgas sa kaliwang paa ang biktima nang subukan nitong umakyat sa pader na mayroong barbed wires upang tumakas.
Ayon sa BFP, idineklara ang unang fire alarm dakong ala singko y medya ng hapon bago tuluyang naapula pasado ala syete kagabi.
65 pamilya o mahigit 240 indibidwal naman ang naapektuhan ng sunog.
Inaalam na ng BFP ang halaga ng pinsalang mga natupok o napinsalang mga ari-arian at sanhi ng pagkalat ng apoy. – sa panulat ni Hannah Oledan
