Tumaas ang employment level sa bansa dahil sa pagbubukas ng ekonomiya, lalo ngayong Holiday season.
Ayon kay Labor Secretary Bienvenido Laguesma, karamihan sa mga nakapagtala ng maraming trabaho ay nasa private service sector sa kabila ng COVID-19 pandemic.
Karaniwan nang dumarami ang trabaho tuwing Holiday season partikular ang mga informal job workers.
Gayunman, nais aniya ng Department of Labor and Employment (DOLE) na magkaroon ng permanenteng hanap buhay para sa mga Pilipino.
Inaasahan naman ng kagawaran na lilikha ang gobyerno ng mahigit isang milyong trabaho sa 2024 upang matugunan ang pangangailangan ng mga Pilipino. —sa panulat ni Jenn Patrolla
