Siniguro ng Department of Agriculture (DA) na sapat ang suplay ng sibuyas sa bansa sa kabila ng pagtaas ng presyo nito sa mga pamilihan.
Ayon kay Agriculture Spokesperson at Assistant Secretary Kristine Evangelista, bagaman mayroong problema sa food mobilization, sapat ang suplay nito ngayong holiday season.
Magkakaroon anya ng panibagong ani ng mga sibuyas sa ikalawang linggo ng Disyembre.
Tinatayang 13,000 metric tons ng red onions ang inani ng mga local farmer at karagdagang 5,000 metric tons white onion ang aanihin pa ngayong Disyembre. - sa panulat ni Hannah Oledan
