Nakatakdang mag-deploy ng karagdagang mga traffic enforcer sa Edsa Bus Carousel sa darating na kapaskuhan.
Ayon kay Inter-Agency Council for Traffic Chief Charlie Del Rosario nakikipag-ugnayan na sila sa Philippine National Police (PNP), Philippine Coast Guard (PCG), Land Transportation Franchising and Regulatory Board (LTFRB) at ang Metropolitan Manila Development Authority (MMDA) para magdagdag ng kanilang mga tauhan sa Edsa busway.
Ito’y para aniya masiguro ang kapakanan ng lahat ng mananakay sa mga pampublikong transportasyon.
Kasunod na rin ito ng pag-adjust ng mga malls at shopping center ng kanilang operasyon mula alas-11 ng umaga hanggang alas-11 ng gabi bilang paghahanda sa nalalapit na holiday season.
