Umabot na sa mahigit tatlong bilyong piso ang halaga ng mga iligal na droga na nasabat ng mga otoridad sa unang 100 araw ng administrasyong Marcos Jr.
Mula ito sa 20 anti-illegal drugs operation na isinagawa ng Bureau of Customs (BOC), katuwang ang Philippine Drug Enforcement Agency (PDEA) at Philippine National Police (PNP).
Una nang inihayag ni Department of Interior and Local Government (DILG) Secretary Benjur Abalos na magiging iba ang drug war sa ilalim ng bagong administrasyon kumpara sa anti-illegal drugs campaign ng nakaraang administrasyon.
Samantala, idinagdag ni BOC Spokesman at Customs Operations Chief Arnaldo de La Torre, nagsagawa rin sila ng 23 operasyon kontra agri-smuggling kung saan umabot na ng mahigit 300 milyong piso ang kanilang nakubra at karamihan ay mula sa China. – sa panulat ni Hannha Oledan