Isa na namang Airbus na 330 NEO aircraft ang naidagdag sa hanay ng mga eroplano ng low cost carrier na Cebu Pacific.
Ayon kay Carmina Romero, tagapagsalita ng Cebu Pacific Airline ang airbus 330 NEO aircraft ay pang-apat na na-ideliver galing sa Toulouse, France na dumating sa Ninoy Aquino International Airport (NAIA).
Gumagamit din ng sustainable aviation fuel o mayroon itong 80% carbon reduction ng carbon emission.
Tiniyak ng pamunuan ng Cebu Pacific na less o bawas ang pollution na idinudulot ng kanilang eroplano.
Target na makumpleto ang lahat ng mga eroplano na gawing airbus 330 NEO sa taong 2028 para makatulong sa Pollution Program ng ating Pamahalaan. —ulat mula kay Raoul Esperas (Patrol 45)
