Binawi na ng Land Transportation Office (LTO) ang lisensya ng dalawang driver na napatunayang guilty sa pagsagasa sa dalawang bata at isang street sweeper sa Parañaque City.
Kinilala ang dalawang driver na sina Raymond Zapirain at Rodolfo Cudiamat na nahaharap sa kasong administrative violation of reckless driving.
Pinagmumulta din sina Zapirain at Cudiamat ng 2,000 pesos.
Noong September 24 naganap ang pagsagasa ni Zapirain sa isang 63 anyos na matanda sa Barangay BF Homes, Parañaque City.
Habang noong September 20 dalawang bata ang sinagasaan ni Cudiamat sa Fourth Estate, Barangay San Antonio sa Parañaque City kung saan binawian ng buhay ang isa.
