Pumalo sa apat na milyong piso ang halaga ng ari-ariang napinsala matapos sumiklab ang sunog sa isang commercial building na matatagpuan sa Scout Rallos, kanto ng Scout Tuazon, sa Brgy. Laging Handa, Quezon City.
Matatandaang nagsimula ang sunog kahapon ng umaga sa isang restaurant kung saan, 49 na katao ang nasagip habang isang bumbero naman ang nasugatan sa gitna ng kanilang operasyon.
Ayon sa Quezon City BFP, maayos na ang lagay ng mga biktima at kinailangan lamang na bigyan ng oxygen matapos ma-suffocate dahil sa nalanghap na usok.
Patuloy namang nagpapagaling ang sugatang bumbero habang inaalam pa ng mga otoridad ang dahilan ng sunog.
