Napakalayo at napakaliit lamang ang epekto ng ISIS sa Pilipinas.
Ganito inilarawan ni Col. Restituto Padilla, tagapagsalita ng Armed Forces of the Philippines (AFP) ang banta ng teroristang ISIS sa ating bansa.
Ayon kay Padilla hindi angkop sa mga values at prinsipyo na isinusulong ng ating mga kapatid na Muslim dito sa Pilipinas ang mga ipinaglalaban ng ISIS.
Aniya walang banta ng ISIS sa Pilipinas maliban sa mga private armed groups.
“Ang threat ay sa mga private armed groups na iba-ibang motibo sa paghahasik ng kaguluhan at ang pailan-ilan na nagsasarili, yan po ang tinitignan natin na napakalaking threat kapag ang pinag-usapan natin ay terorismo.” Pahayag ni Padilla.
By Mariboy Ysibido | Balitang Todong Lakas
