Ikinatuwa ni Provincial Police Office Director Brig. Gen. Roderick Augustus Alba, ang pagkakawasak sa P7.8 million na halaga ng tanim na marijuana sa bahagi ng Bundok ng Sitio Song-on, Barangay Lusaran, Cebu City.
Kasunod ito ng pagsalakay ng mga otoridad sa plantasyon ng marijuana matapos ang sumbong ng isang concerned citizen sa naturang lugar.
Ayon kay Alba, ang mga sinunog na marijuana ay patunay lamang ng isang matagumpay na kampanya ng mga otoridad laban sa iligal na droga.
Sa ngayon, nagsasagawa pa ng imbestigasyon ang mga Pulis upang matukoy kung sino ang may-ari ng nasabing plantasyon para agad itong mapanagot sa batas.
