Kinansela ang pasok sa mga paaralan ngayong araw sa ilang lugar sa Cagayan Valley Region dahil sa masamang panahong dulot ng Tropical Depression Maymay.
Kabilang sa mga nagsuspinde ng klase sa lahat ng antas, pampubliko man o pribado ang Santa Teresita, Aparri, Lal-Lo, Buguey, Camalaniugan, Sanchez Mira, Allacapan, Sto. Niño at Gattaran.
Kanselado rin ang pasok sa lahat ng antas sa mga pampublikong paaralan sa Claveria.
Gayundin sa Ballesteros at Gonzaga, mula Pre-school hanggang Senior High School.
Habang Pre-school hanggang Elementary naman sa Pamplona; at Nursery at Kindergarten naman sa Alcala.
