Nagsagawa ng job openings ang isang fast food chain sa Maynila para mabigyan ng trabaho ang mga senior citizen sa lungsod.
Batay sa Manila City Ordinance 8598, binibigyang mandato ang mga fast food establishments na magkaloob ng pansamantalang hanapbuhay sa mga kwalipikadong residente ng lungsod na pawang differently-abled at Persons With Disabilities (PWDs).
Dahil dito, nanawagan sa iba pang mga food establishments si Manila City Mayor Honey Lacuna na tulungan kahit temporary employment ang mga senior citizen na nais pang makapagtrabaho para matustusan ang pangangailangan ng kanilang pamilya sa gitna ng pandemiya.
Iginiit ni Lacuna na marami pang mga senior citizen ang malalakas pa ang katawan pero hindi nabibigyan ng pagkakataon para kumita o makapagtrabaho dahil sa kanilang edad.
Sinabi pa ni Lacuna na sa pamamagitan ng pakikipagtulungan at suporta ng mga establisyimento, mas maraming buhay ang magbabago dahil malaking tulong ito sa pinansyal na pangangailangan ng kani-kanilang mga pamilya.