Nilinaw ng Toll Regulatory Board (TRB) na hindi pinagbabayad ng toll fee ang private emergency response vehicles na dumadaan sa mga expressway.
Ayon kay TRB Spokesperson Julius Corpuz, ito ay matapos harangin ang private emergency response vehicle ng Marikina Filipino-Chinese Fire Brigade Vounteers sa NLEx na sana’y reresponde sa insidente ng isang sunog.
Paliwanag niya, hindi naman pinagbayad ng toll fee ang nasabing sasakyan sa halip ay nagkaroon lamang ng clarification ang teller ng tollway.
Inatasan naman ng TRB ang mga namamahala sa mga expressway na i-briefing ang kanilang mga taihan sa mga toll gates.
