Inanunsiyo ng Department of Health (DOH) na magpapatuloy ang umiiral na Alert Level 1 status sa Metro Manila at iba pang bahagi ng bansa hangga’t hindi pa sila naglalabas ng bagong alerto.
Ito ayon kay Press Secretary Trixie Cruz-Angeles ay kasunod ng nalalapit na pagtatapos ng alert status sa July 31.
Sinabi ng kalihim na hintayin na lamang ang magiging rekomendasyon ng DOH kaya mananatili muna ang umiiral na alert status sa bansa patungkol sa naturang virus.
Mababatid na dalawang beses sa isang buwan nagtatakda ng alert status kaugnay sa sitwasyon ng COVID-19, subalit nang magpalit ang administrasyon ay hindi na naging aktibo ang IATF na siyang nagtatakda ng mga resolusyon at desisyon sa pagtugon sa nasabing sakit.
Samantala, batay sa datos ng DOH sa kasalukuyan ay muli ring tumataas ang bilang ng mga tinatamaan ng COVID-19, dahil sa bagong subvariants na nasa bansa.
