Tinatayang nasa 27 milyong Pilipino ang itinuturing na obese batay sa datos ng Department of Science and Technology-Food and Nutrition Research Institute (DOST-FNRI).
Ayon kay National Nutrition Council (NNC) Nutrition Information and Education Division Chief Jovita Raval, sa nasabing bilang, aabot sa 3.6 milyong kabataan o mga edad hanggang 19 na taong gulang ang overweight o obese, 20.8 million ang adults at 2.6 million naman ang mga matatanda.
Sinabi ni Raval na ang sobrang pagkain ng “highly-processed food” at matatamis na inumin, gayundin ang kawalan physical activity ang dahilan ng pagiging obese ng isang tao.
Kaugnay nito, sinabi ni Raval na pinaiigting na nila ang information campain kaugnay sa obesity at hinimok ang mga lokal na pamahalaan na ipagbawal ang pagbebenta ng mga ”unhealthy food” na malapit sa mga paaralan.
Ayon sa World Health Organization (WHO) ang obesity ay ang abnormal o labis na taba sa katawan na maaaring maging banta sa kalusugan.
