Gagamit ng major events security framework ang National Capital Region Police Office (NCRPO) para sa nalalapit na inagurasyon ni incoming President Ferdinand “Bongbong” Marcos Jr. sa Hunyo a-30 na gaganapin sa National Museum.
Sa panayam ng DWIZ, sinabi ni NCRPO spokesperson PLT. Col. Jenny Tecson, na ang MESF ay hahatiin sa limang containment strategy.
Ang una at ikalawang containment ring system ay hahawakan ng Presidential Security Group (PSG) habang ang mga Regional Director naman ang mangangasiwa at kokontrol sa ikatlo, ika-apat at ika-limang containment ring.
Ayon kay Tecson, inaasahan na ng kanilang ahensya ang pagtitipon o kumpulan ng mga dadalo sa inagurasyon ni PBBM kung saan, kanilang igagalang ang karapatan ng mga ito na maihayag ang kanilang saloobin at nararamdaman.
Iginiit pa ni Tecson na patuloy nilang paiiralin ang maximum tolerance sa gitna ng inagurasyon ni Marcos.
