32 karagdagang kaso ng Omicron BA.5 subvariant ang na-detect ng Department of Health (DOH).
Ayon kay Health Undersecretary Maria Rosario Vergeire, ang naitalang mga bagong kaso ay mula sa Region 6 na may 21 cases; Region 4A – 4 cases; National Capital Region – 4 cases; at Region 3 na may 3 cases.
30 pasyente aniya ang fully vaccinated na, isa ang partially vaccinated at bineberipika pa ang status ng nalalabing mga kaso.
Lima naman sa mga ito ay asymptomatic habang 22 ang nakakaranas ng mild symptoms, at patuloy pa ring inaalam ang sitwasyon ng iba pang mga pasyente.
Sa ngayon, pumalo na sa 43 ang kabuuang bilang ng Omicron BA.5 subvariant sa bansa kasunod ng na-detect na unang 11 kaso nito.
