Patay ang dalawang suspek matapos manlaban sa ikinasang buy-bust operation ng mga tauhan ng Drug Enforcement Unit ng Quezon City Police District.
Ayon kay PNP Officer-in-Charge LT. Gen. Vicente Danao, nagkaroon ng car chase o habulan sa pagitan ng mga otoridad at ng dalawang suspek sa Arboretum Road, Barangay UP Campus sa Quezon City.
Nakuha sa mga nasawing suspek ang sampung kilo ng hinihinalang shabu.
Sa ngayon, patuloy pa ring nagsasagawa ng imbestigasyon ang mga otoridad, hinggil sa naganap na insidente.
