Umakyat na sa siyam ang bilang ng mga nasawi dahil sa gas explosion malapit sa isang paaralan sa Kano State, Nigeria.
Ayon sa Kano Police, kabilang sa mga nasawi ang isang welder at isang babae.
Sinabi naman ni Mustapha Habib Ahmed, pinuno ng National Emergency Management Agency, sumabog ang isang gas cylinder sa isang welding shop sa lugar.
Sa lakas ng pagsabog ay gumuho ang isang gusali na malapit sa isang kilalang pamilihan sa Kano.
Sa ngayon ay hindi pa natutukoy ng mga otoridad kung ilan ang nasugatan sa naganap na pagsabog at tiniyak na walang nasaktang mga bata sa kalapit na paaralan.
