Hindi pa nakikita ng dalawang health expert na muling magpapatupad ng lockdown sa bansa matapos ang naitalang 14 na kaso ng Omicron subvariant BA.2.12.1.
Ayon kay Dr. Edsel salvaña, isang Infectious disease expert at Government vaccine panel member, hindi na tumataas ang bilang ng COVID-19 cases at nasa maayos pa ang kapasidad ng mga ospital.
Gayunman, kailangan pa ring maging mapagbantay ng publiko at patuloy na sumunod sa health protocols.
Samantala, kung magkakaroon ng panibagong COVID surge, naniniwala si OCTA research fellow, Dr. Guido David na hindi na ito magiging kasing-lala ng naranasan noong Enero.
Ito’y dahil mayorya ng mga Pilipino ang nabakunahan na kontra COVID-19 at may booster bilang dagdag proteksyon.
