Bumuo na ng Special Investigation Task Group (SITG) ang National Capital Region Police Office (NCRPO) para bantayan ang insidente ng karahasan ngayong Halalan 2022.
Ayon kay NCRPO Director Police Major General Felipe Natividad, pamumunuan ito ng regional directors na ibababa sa limang distrito sa ilalim ng NCRPO.
Maliban sa pag-inspeksyon sa mga paaralang ginagamit bilang polling places, nakakalat na rin ang tauhan ng Regional Mobile Force Batallion para tiyaking nasusunod ang health protocols.
Samantala, kasama rin sa iimbestigahan ng task group ang vote-buying na talamak tuwing eleksyon.
