Nakapasok na ng Philippine Area of Responsibility (PAR) ang bagyong Basyang, na may international name na Malakas.
Ang bagyong Basyang ay ikalawang bagyong pumasok sa bansa ngayong taon kasunod ng bagyong agaton.
As of 11am, huling namataan ang bagyo sa layong 1,435 kilometers Silangan ng Southern Luzon.
Taglay nito bagyo ang lakas ng hanging aabot sa 120 km/h malapit sa gitna at pagbugsong aabot sa 150 km/h.
Sandali lang ang itatagal ng bagyong Basyang sa bansa dahil inaasahang lalabas din ito mamayang gabi.
Maliban sa bagyong Basyang, patuloy pang nakakaapekto ang bagyong Agaton sa bansa.
Taglay ng Agaton ang lakas ng hanging aabot sa 45 km/h at pagbugsong aabot sa 75 km/h.
Dahil dito, nakataas pa rin ang signal number 1 sa walong lugar sa bansa kabilang ang;
- EASTERN SAMAR
- SAMAR
- NORTHERN SAMAR
- BILIRAN
- LEYTE
- SOUTHERN LEYTE
- CAMOTES ISLAND
- AT DINAGAT ISLANDS
