Inihayag ng Department of Public Works and Highways (DPWH) na bubuksan nadin sa Abril 5 hanggang a-9 ang Binondo Intramuros Bridge sa Maynila.
Sa pahayag ni DPWH Undersecretary Emil Sadain, patapos na ngayong linggo ang pag-aayos sa nasabing tulay na kumukunekta sa Binondo at Intramuros patawid ng Pasig River.
Sakaling mabuksan na ang naturang tulay, inaasahang aabot sa 50k motorista ang makakagamit nito na mayroong two-way at apat na linya sa nabanggit na lugar.
Bukod pa dito, mayroon din itong sidewalks, pedestrian lanes, jogging lanes at bike lanes na pakikinabangan ng publiko. —sa panulat ni Angelica Doctolero
