Plano ng Department of Education (DepEd) na palawakin ang promotional opportunities ng mga guro sa bansa.
Ito’y kasunod ng pagreretiro ng mga guro kahit nasa Teacher 2 pa lamang.
Ayon kay DepEd Undersecretary Nepomuceno Malaluan, nakabinbin pa sa Malacañang ang isang Executive order para sabayan ang pagtaas ng posisyon ng mga guro ng mas mataas na salary grades.
Aniya, sa ngayon ay nakakatanggap ng Salary grade 11 o P22,000 ang isang Teacher 1, Salary grade 12 naman sa Teacher 2 habang Salary grade 3 sa Teacher 3.
Sang-ayon naman sa proposal ng kagawaran ang Civil Service Commission (CSC) habang hinihintay pa ang komento ng Professional Regulatory Commission at Department of Budget and Management (DBM). —sa panulat ni Airiam Sancho
