Aabot sa 500 indibidwal ang napilitang lumikas matapos masunog ang 50 kabahayan dahil sa malawakang sunog sa Region Texas.
Ayon sa mga otoridad, isa ang naitalang nasawi matapos sumiklab ang sunog sa bahagi ng Eastland Complex na sakop ng kanluran ng Dallas-Fort Worth.
Kinilala ang biktimang nasawi na si Barbara Fenley, isang Deputy sa Eastland County Sheriff’s office habang tinutulungang ilikas ang mga residente sa lugar.
Ayon kay Angel Lopez, tagapagsalita ng Fire Task Force, aabot sa 45K ektarya ng lupain ang nadamay sa sunog.
Sa ngayon, 15% na ang kontrolado sa sunog habang patuloy pang inaapula ng mga otoridad ang iba pang bahagi ng nasusunog na lupain. —sa panulat ni Angelica Doctolero