Patay ang isang Barangay Chairman makaraang tambangan ng dalawang hindi nakilalang lalaki sa Bacoor City, Cavite.
Kinilala ng Bacoor City Police, ang biktimang si Jaime Alamo, Chairman ng Barangay Panapaan 8.
Minamaneho ni Alamo ang kanyang Toyota Wigo na may plakang DAC – 8384 nang pagbabarilin ng dalawang lalaking naka-motorsiklo sa Niog Road, Barangay Niog 2.
Agad tumakas ang mga salarin patungong Molino Boulevard habang idineklarang dead on arrival sa St. Dominic Hospital ang biktima dahil sa mga natamong tama ng bala sa katawan.
Inaalam pa ng pulisya ang motibo at sino ang nasa likod ng pamamaslang.
