Ipinawalang-sala na ng Department of Trade and Industry (DTI) ang sampung grocery stores sa Bukidnon Province na nagpatupad ng overpricing kasunod ng ipinatupad na price freeze dahil sa pananalasa ng bagyong Odette.
Ayon kay Junar Merla, Officer in Charge ng DTI-Bukidnon Consumer Protection Division, lumabas na makatwiran ang ipinatupad ng price freeze ng sampung grocery stores.
Dahilan nila, galing sa wholesalers ang kanilang mga paninda na mayroong mataas na presyo kaysa sa mga karaniwang suppliers.
kaya hindi na anila ibinaba ang presyo ng mga ito alinsunod sa ipinatutupad na Suggested Retail Price (SRP) ng gobyerno.
Noong Disyembre 21, unang nilagdaan ni Pangulong Rodrigo Duterte ang Proclamation no. 1267 na nagdedeklara ng state of calamity sa Mimaropa, Western Visayas, Central Visayas, Eastern Visayas, Northern Mindanao at Caraga dahil sa epekto ng bagyong Odette. – sa panulat ni Abby Malanday