Nagkakahalaga ng P48.7 milyong cold chain equipment at iba pang tulong ang natanggap ng Pilipinas mula sa Australia.
Sa pamamagitan ito ng United Nations Children’s Fund (UNICEF) Philippines na dumating sa Goetz Cargo Center sa Parañaque city.
Ayon kay Department of Health (DOH) Secretary Francisco Duque III, naglalaman ang kagamitan ng; 30 solar-powered vaccine refrigerators, walong walk-in cold rooms na mayroong generators, 106 sets ng spare parts, at 20 sets ng personal protective equipment.
Mapupunta ang mga ito sa Cordillera, Cagayan Valley, Central Luzon, Calabarzon, Zamboanga Peninsula, Soccsksargen, at Caraga regions na benepisyaryo ng kagamitan.
Ang Pilipinas at Australia ay matagal nang magkatuwang para sa technical, logistical at in-kind assistance sa kasagsagan ng COVID-19 pandemic. —sa panulat ni Abby Malanday
