Nilinaw ng TV host at miyembro ng bandang Itchyworms na si Jugs Jugueta ang paratang ng Veteran Entertainment columnist at talent manager na Si Lolit Solis sa kanyang co-host at vlogger youtuber na si Vice Ganda.
Sa Instagram post ni Lolit, ibinahagi nito ang nakarating na balita sakaniya na si Vice ay “nagpapower tripping” sa kaniyang mga katrabaho sa isang noon time showdahil ito na umano ang “nagpapatakbo” sa programa.
Sinabi pa ng kolumnista na marami nang nasasaktang ka-trabaho si Vice kung saan, posibleng maging isa itong dahilan ng pagbabago ng kapalaran nito.
Ipinagtanggol naman ni Jugs si Vice kung saan, nag iwan siya ng komento sa ipinost ni Lolit at sinabing maayos ang kanilang samahan at masaya silang katrabaho si Vice kaya maghanap na lamang ito ng ibang source na Marites. —sa panulat ni Angelica Doctolero
