Nakapagtala ang Department of Foreign Affairs (DFA) ng 82 mga Pilipino sa abroad na bagong tinamaan ng COVID-19 dahilan upang umakyat na sa 24,373 ang kabuuang bilang ng virus cases sa ibayong dagat.
Sa nasabing biilang ng mga kaso, 5,909 ang naberipika ng Department of Health (DOH).
Batay pa sa datos mula sa DFA, pumapalo na sa 14,441 ang bilang ng mga gumaling na Overseas Filipinos, habang umabot na sa 1,458 ang death toll.
Umakyat naman sa 8,474 ang active cases sa labas ng bansa.
Sinabi pa ng DFA na ang mga datos ay mula sa 104 na bansa at teritoryo.