Umaalma na ang mga Pilipinong mula sa ibang bansa dahil sa umano’y mabagal na proseso ng Bureau of Quarantine (BOQ) sa kanila matapos nilang magpositibo sa COVID-19 habang nasa Hotel.
Nais na umano ng ilang mamamayan na mag home quarantine na lamang dahil sa mahal na ang nagagastos nila sa Hotel quarantine.
Paliwanag naman ng BOQ, lahat ng government quarantine facility ay puno na dahil marami rin ang naaadmit sa mga ito na COVID-19 patients.
Ani Dr. Roberto Salvador, Deputy Director ng BOQ, pinapayagan na ng BOQ ang home quarantine ngunit hindi naman ito aprubado ng Health department dahil panganib ang dala nito at hindi mababantayan ng mabuti ng mga LGU officials.
Samantala, sinabi pa ng BOQ na magbubukas ng dagdag na quarantine facility ang pamahalaan ngayong weekend para mailipat ang mga nagbalikbayang nakatengga pa rin sa mga hotel na nagpositibo sa virus.
