Binanatan ni 2015 Miss Universe Pia Wurtzbach ang kaniyang mga bashers na nagbigay ng komento matapos niyang isapubliko na siya at ang kaniyang nakababatang kapatid na si sarah wurtzbach ay nagpositibo sa COVID-19.
Matatandaang sinisi ng netizens ang palagiang pagtravel ng Beauty Queen dahilan kung bakit siya nagpositibo sa nakakahawang sakit.
Say ni Pia, kilabutan sana ang mga taong nagsasabing deserve niya na magkaroon ng covid at sana ay hindi rin nila ito maranasan.
Sa kabila ng pamba-bash ng ilang netizens kay Pia ay bumuhos naman ang pagmamahal at suporta ng kaniyang mga fans kung saan, hangad nila ang mabilis na pagrekober ng beauty queen.—sa panulat ni Angelica Doctolero
