Tiniyak ng Philippine National Police o PNP ang kanilang kahandaan para tumulong sa pagbabakuna sa mga batang may edad 5 hanggang 11 taong gulang.
Ayon kay PNP Chief P/Gen. Dionardo Carlos, may umiiral naman aniya silang template para rito.
Napatunayan na rin aniya nila ang kakayahan ng mga pulis sa pagpapanatili ng kaayusan sa mga vaccination site maging ang paghahatid ng mga bakuna nuong unang sigwada ng vaccination drive.
Sinabi pa ni Carlos na available din ang PNP Medical Reserve Force para naman magsilbing vaccinators subalit naghihintay lang sila ng instruction para sa susunod na bakunahan.
