Tinatayang 800,000 pisong halaga ng illegal drugs ang nasabat mula sa halos 300 indibidwal sa ikinasang simultaneous law enforcement operations sa Central Luzon.
Ayon kay Police Regional Office-3 director Brig. General Matthew Baccay, kabilang sa mga naaresto ang mahigit 100 wanted persons habang ang iba pa ay sangkot sa mga kasong may kaugnayan sa ipinagbabawal na droga, pagnanakaw, illegal gambling, at illegal possession of firearms.
Samantala, sinabi pa ng opisyal na nasa 3,000 pulis ang naka-deploy sa iba’t ibang transport terminals sa Gitnang Luzon mula noong Disyembre 16.
