Kinumpirma ng Cebu Archdiocesan Chancery ang pagkasawi ng isang pari dulot ng bagyong Odette.
Natukoy ang bangkay ni Fr. Eliseo “Leo” Fernandez sa pamamagitan ng suot nitong celibacy ring kung saan nakaukit ang pangalan nito.
Batay sa ulat, natagpuang palutang lutang ang bangkay ng pari sa dalampasigan sa siyudad ng Toledo sa Cebu.
Ayon sa mga otoridad at local government unit ng Badian, nauna na ng napaulat na nawawala ang pari sa kasagsagan ng pananalasa ng bagyo sa Southwest Cebu.
Samantala, nagpaabot naman ng pakikiramay ang chancery sa pamilya ni Fr. Leo.
Batay sa datos ng Provincial Disaster Risk Reduction and Management Office (PDRRMO) hanggang nitong Miyerkules, aabot na sa 29 ang napaulat na nasawi sa Cebu Province dahil sa bagyong Odette.
