Inihayag ng Health Department na walang nararanasang sintomas at fully vaccinated kontra COVID-19 ang tatlong Pilipino na mula sa South Africa.
Ito’y matapos sumailalim sa quarantine ng ilang araw ang mga indibidwal sa Negros Occidental bago ipatupad ang travel ban sa South Africa dahil sa klasipikasyon ng omicron bilang “variant of concern”.
Ipinabatid ni Health Undersecretary Maria Rosario Vergeire nang pauwiin na nila ang mga nasabing indibidwal ay cleared na ito sa Bureau of Quarantine ngunit mas pinaigting pa ang quarantine measures kaya isinailalim muli ito sa quarantine.
Samantala, patuloy namang binabantayan ng quarantine bureau ang 64 na Pilipino na mula sa mga bansang nasa red list.
